ခြိမ်းခြောက်သူမှ အမေရိကန် အိမ်ထောင်စုပေါင်း ၂၅၀ မီလီယံ၏ ကိုယ်ရေးကိုယ်တာ မှတ်တမ်းများအား ဟက်ကင်းဖိုရမ်ပေါ်တွင် ပေါက်ကြားခဲ့ခြင်း

Pompompurin အမည်ရ ခြိမ်းခြောက်သူတစ်ဦးသည် ယူအက်စ်တွင် နေထိုင်သူများ ပိုင်ဆိုင်သည့် ကိုယ်ရေးကိုယ်တာ မှတ်တမ်းပေါင်း ၂၅၀ မီလီယံ ရှိ တန်ဖိုးကြီးပိုင်ဆိုင်မှု တစ်ခုကို ပို့စ်တင်ခဲ့သည်။

လွန်ခဲ့သော ရက်သတ္တပတ်တွင် ပုဂ္ဂိုလ်ရေးရာ ပိုင်းခြားသတ်မှတ်နိုင်သော သတင်းအချက်အလက် (PII) နှင့် အိမ်ထောင်စုဆိုင်ရာ အချက်အလက်များ ၂၆၃ GB ပါဝင်သည့် database အား နာမည်ကြီး ဟက်ကင်းဖိုရမ် တစ်ခုပေါ်တွင် ပေါက်ကြားခြင်းခံခဲ့ရသည်။

Hackread.com မှပြုလုပ်ခဲ့သည့် ခွဲခြမ်းစိတ်ဖြာမှုတစ်ခုအရ မှတ်တမ်းများတွင် တစ်ခုချင်းစီ၌ အောက်ပါအရာများပါရှိသည့် စာရင်းပေါင်း ၂၀၀,၀၀၀ နှင့်အတူ CSV sub-file ပေါင်း ၁၂၅၅ ပါဝင်သည် -

• နာမည်အပြည့်အစုံများ၊ ဖုန်းနံပါတ်များ နှင့် အီးမေးလ်လိပ်စာများ
• မွေးနေ့သက္ကရာဇ်၊ အိမ်ထောင်ရှိ/မရှိ နှင့် ကျား/မ
• အိမ်ကုန်ကျစရိတ်၊ အိမ်ငှားရမ်းခ၊ အိမ်ဆောက်ခဲ့သည့် ခုနှစ်
• ZIP ကုဒ်များ၊ အိမ်လိပ်စာများ နှင့် တည်နေရာ
• အကြွေး တတ်နိုင်မှု နှင့် နိုင်ငံရေး ဆက်နွယ်မှု
• လစာ၊ ဝင်ငွေအသေးစိတ်များ နှင့် ပိုင်ဆိုင်သည့် ယာဉ်အရေအတွက်
• အိမ်ထောင်စုအတွင်းရှိ ကလေးအရေအတွက်
• ပိုင်ဆိုင်သည့် အိမ်မွေးတိရိစ္ဆာန်အရေအတွက်

ခဏတာအတွက် database ၏ မူလဇစ်မြစ် သို့မဟုတ် ပိုင်ဆိုင်သူအား ရှင်းရှင်းလင်းလင်း မသိရှိသေးပေ။

“ဤအရာအား ကျွန်ုပ်မှ စွန့်ပစ်ခဲ့ခြင်းဖြစ်သည်” ဟု ခြိမ်းခြောက်သူမှ သူ၏ ပို့စ် ဖော်ပြချက်တွင် ပြောဆိုခဲ့သည်။ “အချက်အလက်များအား အပြည့်အဝ တင်ပို့ပေးရန် ရက်ပေါင်း အနည်းငယ် ကြာခဲ့သည်။ ထို့ကြောင့် ကျေနပ်အားရကြပါ။ အချက်အလက်အကြောင်း မည်သည့် မေးခွန်းမဆို လွတ်လပ်စွာ မေးမြန်းနိုင်ပါသည်။ ဤအရာတွင် ထူးခြားသော အီးမေးလ်ပေါင်း ၅၉ မီလီယံ ပါရှိသည်။ ယူအက်စ်တွင် နေထိုင်သည့် လူများ၏ အချက်အလက်အားလုံးပါပဲ။” ထိုသူမှ “ဤ ပေါက်ကြားမှုတွင် မည်သည့် လှို့ဝှက်ကုဒ်များ မပါရှိပါ” ဆိုသည်ကို သတ်မှတ်ရန်လည်း သေချာအောင်ပြုလုပ်ခဲ့သည်။

ဆုတံဆိပ်ရ လုံခြုံရေး solution တစ်ခု အသုံးပြုခြင်းဖြင့် လုံခြုံစွာ နေပါ။

ခံရသူများအတွက် ဒစ်ဂျစ်တယ် နှင့် ရုပ်ပိုင်းဆိုင်ရာ လုံခြုံရေး အန္တရာယ်များ

တစ်ဦးတစ်ယောက်ချင်းစီ နှင့် ၎င်းတို့၏ အိမ်ထောင်စုများအပေါ် ပေါက်ကြားခဲ့သော သတင်းအချက်အလက်များ၏ တိကျသော အရေအတွက်ကို ပေးခြင်းအားဖြင့် အန္တရာယ်ပြုသူများသည် အချက်အလက်များအား နည်းလမ်းမျိုးစုံဖြင့် အမြတ်ထုတ်နိုင်သည်။ အချက်အလက်များ ပေါင်းစပ်ခြင်းအားဖြင့် ဆိုက်ဘာဒုစရိုက်သမားများသည် အကောင့်ပြောင်းလွှဲယူခြင်း၊ အထောက်အထားသူခိုး နှင့် လိမ်ညာမှုတို့ထံ ဦးတည်သည့် ဆွဲဆောင်ဖွယ်ကောင်းသော လူမှုဆိုင်ရာ engineering တိုက်ခိုက်မှုများကို ဖြန့်ကျက်နိုင်ကြသည်။

ဤ ဒစ်ဂျစ်တယ် ခြိမ်းခြောက်မှုများအပြင် ဒုစရိုက်သမားများသည် ခံရသူများအား ၎င်းတို့၏ ဝင်ငွေအသေးစိတ်များ၊ ပိုင်ဆိုင်သည့် ယာဉ်အရေအတွက် နှင့် အိမ်လိပ်စာ ပေါ်အခြေခံ၍လည်း သီးသန့်ရွေးထုတ်နိုင်သည်။

ခံရသူများသည် ၎င်းတို့၏ အွန်လိုင်းလှုပ်ရှားမှုများ နှင့် စာအိတ်များအား အနီးကပ် စောင့်ကြပ်ကြည့်သင့်သည်။ ဆိုက်ဘာဒုစရိုက်သမားများ နှင့် လိမ်ညာသူများမှာ ၎င်းတို့အား မည်သည့် လူမှုမီဒီယာ ပလက်ဖောင်းမှတဆင့် ပစ်မှတ်ထားနိုင်ကြောင်း၊ သို့မဟုတ် မလိုလားသော ဖုန်းခေါ်ဆိုမှုများပြုလုပ်ရန် သို့မဟုတ် စာမှတဆင့် အန္တရာယ်ရှိ သို့မဟုတ် လှည့်ဖျားသော လင့်ခ်များ ပို့ရန် ဖုန်းနံပါတ်များကို အသုံးပြုနိုင်ကြောင်း ၎င်းတို့သည် အပြည့်အဝ သတိပြုမိရန် လိုအပ်သည်။