ဖေ့စ်ဘုတ် အသုံးပြုသူပေါင်း ၅၃၃ မီလီယံ၏ ဖုန်းနံပါတ်များနှင့် ဆက်နွှယ်လျက်ရှိသော ပရိုဖိုင်အချက်အလက်များ အွန်လိုင်းတွင် သတင်းယိုစိမ့်မှု ဖြစ်သွားခြင်း

အချက်အလက် - ဤစနေနေ့တွင် ဖေ့စ်ဘုတ်အသုံးပြုသူပေါင်း ၅၃၃ မီလီယံကျော် နှင့် ဆက်စပ်လျက်ရှိသော ကိုယ်ရေးကိုယ်တာ သတင်းအချက်အလက်များအား ဟက်လုပ်ခြင်း ဖိုရမ်တစ်ခုပေါ်၌ အများသိ ချပြခံခဲ့ရသည်။ ပလက်ဖောင်းအတွင်းရှိ အားနည်းချက်တစ်ခုအပေါ် အမြတ်ထုတ်ရင်း အန္တရာယ်ပြုသူများအားဖြင့် ၂၀၁၉ ခုနှစ်တွင် အသုံးပြုသူ အချက်အလက်မှာ ခိုးကူးယူခံခဲ့ရပုံပေါ်သည်။

မည်သို့သော အချက်အလက်အမျိုးအစားများ ယိုစိမ့်ခံခဲ့ရသနည်း။

ယိုစိမ့်ခံခဲ့ရသည့် အချက်အလက်များတွင် ဖုန်းနံပါတ်များ၊ ဖေ့စ်ဘုတ် အိုင်ဒီများ၊ နာမည်အပြည့်အစုံများ၊ တည်နေရာ၊ ယခင် တည်နေရာ၊ မွေးနေ့၊ အကောင့် ဖွင့်သည့် အချက်အလက်၊ အိမ်ထောင်ရှိ/မရှိ၊ ကိုယ်ရေးရာဇဝင် နှင့် အီးမေးလ်လိပ်စာအချို့ ပါဝင်သည်။ ခြုံငုံရလျှင် database ထဲတွင် အသုံးပြုသူပေါင်း ယူအက်စ်မှ ၃၂ မီလီယံ၊ အီတလီမှ ၃၅ မီလီယံ၊ ပြင်သစ်မှ ၁၉.၈ မီလီယံ၊ ယူကေမှ ၁၁ မီလီယံ နှင့် ရုရှားမှ ၁၀ မီလီယံနီးပါး အပါအဝင် နိုင်ငံပေါင်း ၁၀၆ နိုင်ငံမှ အသုံးပြုသူများ၏ သတင်းအချက်အလက်များ ပါဝင်သည်။

“ဤအရာက ၂၀၁၉ ခုနှစ်တုန်းက ယခင် အစီရင်ခံခဲ့တဲ့ အချက်အလက် အဟောင်း ဖြစ်တယ်။ ကျွန်ုပ်တို့ ၂၀၁၉၊ ဩဂုတ်လထဲက ဤပြဿနာကို တွေ့ရှိ၊ ပြင်ဆင်ခဲ့ပြီးပါပြီ” ဟု ဖေ့စ်ဘုတ်၏ နည်းဗျူဟာ တုံ့ပြန် ဆက်ဆံရေး ဒါရိုက်တာ Liz Bourgeois မှ tweet တစ်ခုတွင် ပြောကြားခဲ့သည်။

မည်သည့် အချက်အလက်မှ အချက်အလက်အဟောင်းဟု မမည်ချေ။

ဒစ်ဂျစ်တယ် လောကတွင် ဘုံ နားလည်မှုလွဲခြင်း တစ်ရပ်မှာ ယခင် ဖော်ထုတ်ခံ သို့မဟုတ် အခိုးခံရသည့် အချက်အလက်တွင် သက်တမ်းကုန်ဆုံးရက် တစ်ခု ရှိပြီး မည်သည့် အနာဂတ် လုံခြုံရေး အန္တရာယ်များကို မဖြစ်ပေါ်စေခြင်း ဟူ၍ဖြစ်သည်။

သို့သော် အသုံးပြုသူများမှာ ထိုအရာပေါ်တွင် လောင်းကြေးမထပ်သင့်ပေ။ Ashley Madison အချက်အလက် ချိုးဖောက်မှုမှာ ကောင်းသော သာဓကတစ်ရပ် ဖြစ်သည်။ ၂၀၁၅ ခုနှစ်တွင် အသုံးပြုသူပေါင်း မီလီယံချီ၏ သတင်းအချက်အလက်များမှာ ခိုးယူခံခဲ့ရပြီး ခြိမ်းခြောက်သူများအားဖြင့် အွန်လိုင်းပေါ်တွင် ပို့စ်တင်ခံခဲ့ရသည်။ ၂၀၂၀ တွင် ချိုးဖောက်မှု ထံမှ အကျိုးဆက်အား ခံစားခဲ့ရသည့် ဝယ်ယူသူများမှာ blackmail ကမ်ပိန်း အသစ်များတွင် နောက်ထပ်တဖန် ပစ်မှတ်ထားခြင်း ခံခဲ့ကြရသည်။

အချက်အလက် ချိုးဖောက်မှုများ နှင့် ယိုစိမ့်မှုများမှာ ခံရသူများအတွက် ရေရှည် အကျိုးသက်ရောက်မှုများ ရရှိစေနိုင်သည်။ ကိုယ်ရေးကိုယ်တာ အချက်အလက်များ ပြင်ပ ရောက်သွားသည်နှင့်တစ်ပြိုင်နက် ၎င်းမှာ အသုံးပြုသူများအား အဖန်တလဲလဲ အယောင်ဆောင် သို့မဟုတ် လှည့်စားရန် အသုံးပြုခြင်းခံရနိုင်သည်။ ခြိမ်းခြောက်သူများသည် အသုံးပြုသူများမှ ကိုယ်ရေးကိုယ်တာ သတင်းအချက်အလက်များအား အွန်လိုင်း ပလက်ဖောင်းများပေါ်တွင် ပြန်လည်အသုံးပြုလေ့ရှိသည်ကို သိနေကြသည်။ အကယ်၍ သင်မှာ ပစ်မှတ် သို့မဟုတ် ခံရသူတစ်ဦး ဖြစ်ပြီးနေသည့်တိုင် ၎င်းသည် သင့်အား နောက်တစ်ကြိမ် ထိုသို့ဖြစ်စေခြင်းထံမှ လွှတ်ငြိမ်းခွင့်မပေးပေ။

“အချက်အလက် ယိုစိမ့်မှုသည် လူမှုမီဒီယာ အဖွဲ့အစည်းကြီး၏ လုံခြုံရေး အဖြစ်အပျက် သမိုင်းကြောင်းတွင် ပထမဆုံး အဖြစ်အပျက်တော့ မဟုတ်နိုင်ချေ၊ သို့သော် ၎င်းမှာ အသုံးပြုသူများ သတိထားသင့်သည့် အရာတစ်ခုတော့ အသေအချာပင်ဖြစ်သည်” ဟု Bitdefender မှ ခြိမ်းခြောက်မှု သုတေသနနှင့် အစီရင်ခံခြင်း ဒါရိုက်တာ Bogdan Botezatu မှ ပြောကြားခဲ့သည်။

“ဤအချက်အလက်များမှာ ယခုတွင် အများပိုင် ရယူနိုင်ပြီး အခမဲ့ ဖြစ်စဉ်ကတည်းက ၎င်းအား အဆိုးရွားဆုံး အနေအထားအဖြစ် သတ်မှတ်ရန် ဆီလျော်သည်” ဟု Botezatu မှ ထပ်ဖြည့်ခဲ့သည်။ “ဤ အသုံးပြုသူလှို့ဝှက်ချက်၏ ထပ်ဆင့်ချိုးဖောက်မှုမှာ အကယ်၍ ၎င်းမှ အလွန်အရေးကြီးသည့် အသေးစိတ်များ မပါဝင်နေသည့်တိုင် လှည့်ဖျားသူများအတွက် အသစ်သော၊ ဆွဲဆောင်ဖွယ် ဖြစ်နိုင်ချေများကို လမ်းဖွင့်ပေးထားသည်။ အကယ်၍ အသုံးပြုသူများမှ ၎င်းတို့၏ အချက်အလက်အား လုံခြုံနေစေရန် ကုမ္ပဏီများအပေါ် မှီခိုခြင်းမပြုနိုင်လျှင် လူမှုမီဒီယာ ပလက်ဖောင်းများနှင့် မျှဝေထားသည့် သတင်းအချက်အလက်အား ကန့်သတ်ခြင်းဖြင့် အွန်လိုင်း အပြုအမူများကို ပြန်လည်အကဲဖြတ်ရန် အချိန်ဖြစ်ကောင်းဖြစ်ပေမည်။”

အသုံးပြုသူများမှ မည်သည်ကို မျှော်ကိုးသင့်သနည်း။

အန္တရာယ်ပြုသူများသည် ဤသတင်းအချက်အလက်များအား ပစ်မှတ်ထား လူမှုအင်ဂျင်နီယာဆိုင်ရာ တိုက်ခိုက်မှုများကို ဖြန့်ကျက်ရန် အလွဲသုံးစားလုပ်နိုင်သည်။ အကယ်၍ သင်သည် ၂၀၁၉ ခုနှစ်ကတည်းက သင့်ဖေ့စ်ဘုတ် အကောင့် နှင့် ချိတ်ဆက်ထားသည့် ဖုန်းနံပါတ်အား ပြောင်းလဲခြင်း မရှိလျှင် ပုဂ္ဂိုလ်ရေးရာ ပိုင်းခြားနိုင်သော သတင်းအချက်အလက်များကို တောင်းသည့် မလိုလားဖွယ် ဖုန်းခေါ်ဆိုမှုများ သို့မဟုတ် စာမက်ဆေ့ချ်များကို သတိပြုပါ။

သင့်အနေနှင့် လူမှု မီဒီယာ ပလက်ဖောင်းများမှာ ကျည်ကာ လုံခြုံမှုကို မပေးကြောင်း နားလည်ထားရန် လိုအပ်သည်။ သင့်ပရိုဖိုင်ပေါ်တွင် သင် မျှဝေ၊ ပေးသည့်မည်သည့်အရာမဆို အခြား အသုံးပြုသူပေါင်း မီလီယံချီထံမှ သင့်အား ရွေးထုတ်ရန် အသုံးပြုခံရနိုင်သည်။ ယိုစိမ့်ထားသည့် အချက်အလက်နှင့် အများသိ ဖော်ထုတ်ခံရသော သတင်းအချက်အလက်အား တိုက်ညှိခြင်းအားဖြင့် ဆိုက်ဘာဒုစရိုက်သမားများသည် အကောင့် လွှဲပြောင်းရယူခြင်း၊ အထောက်အထားခိုးယူခြင်း နှင့် မသမာမှုတို့ထဲ ဦးတည်နိုင်သည့် phishing အကြံအစည်များကို ဖြန့်ကျက်နိုင်သည်။