Europol: “လျှို့ဝှက်ထားသော အင်တာနက် မှာ ဆက်လက် လျှို့ဝှက်ခြင်းမရှိတော့ခြင်း နှင့် သင်၏ အမည်ထုတ်ဖော်ခြင်းမရှိသော လုပ််ဆောင်ချက်မှာလည်း အမည်မသိ မဖြစ်တော့ခြင်း”

Europol မှ ဤအပတ်အတွင်း DisrupTor အမည်ရ တွဲဖက် စစ်ဆင်ရေးတစ်ခုတွင် မှောင်ခို ဝက်ဘ် ပေါ်ရှိ တရားမဝင် ကုန်ပစ္စည်းများ ရောင်းချသူပေါင်း ၁၇၉ ဦးအား ဖမ်းဆီးခြင်းအပေါ် ကြေငြာချက်ထုတ်ခဲ့သည်။

သတင်းထုတ်ပြန်ချက်အရ စစ်ဆင်ရေး DisrupTor သည် စုံစမ်းစစ်ဆေးသူများအား တရားမဝင်လုပ်ရပ်အတွက် အသုံးပြုသည့် မှောင်ခို ဝက်ဘ် အကောင့်များ၏ နောက်ကွယ်မှ သံသယရှိသူများကို ရှာဖွေထောက်လှမ်းရန် လိုအပ်သည့် သတင်းအချက်အလက် နှင့် အထောက်အကူပစ္စည်းများ ပေးခဲ့သည့် မှောင်ခိုဝက်ဘ်လောကတွင် ကမ္ဘာ့ ဒုတိယအကြီးဆုံး တရားမဝင် အွန်လိုင်း ဈေးကွက် ဖြစ်သည့် Wall Street ဈေးကွက် ဖြုတ်ချမှု နောက်လိုက်ခဲ့သည်။

“ရလဒ်တစ်ခုအနေနှင့် ဥရောပ နှင့် အမေရိကန်ပြည်ထောင်စု တလျှောက် ထောင်ပေါင်း ဆယ်ချီသော တရားမဝင် ကုန်ပစ္စည်းများ ရောင်းချမှုတွင် ပါဝင်ပတ်သက်သည့် ရောင်းချသူပေါင်း ၁၇၉ ဦးအား ဖမ်းဆီးခဲ့သည်” ဟု Europol မှ ဖော်ပြထားသည်။ “လက်နက်ခဲယမ်း ၆၄ ခု၊ fentanyl, oxycodone, hydrocodone, methamphetamine, ဟီရိုရင်း, ကိုကိန်း, ecstasy, MDMA နှင့် မူးယစ်စေသောအရာများပါသည့် ဆေး တို့အပါအဝင် ၅၀၀ ကီလိုဂရမ်ရှိ မူးယစ်ဆေးဝါးအချို့ နှင့်အတူ ငွေသား အပြင် virtual ငွေကြေးပေါင်း ၆.၅ မီလီယံဒေါ်လာ ကျော်အား သိမ်းဆည်းရမိခဲ့သည်။”

ဖမ်းဆီးမိသည့် ရောင်းချသူအများစုမှာ အမေရိကန်ပြည်ထောင်စု (၁၂၁)၊ ဂျာမနီ (၄၂)၊ နယ်သာလန် (၈)၊ အင်္ဂလန် (၄)၊ ဩစထရီးယား (၃) နှင့် ဆွီဒင် (၁) တို့တွင် တည်ရှိနေခဲ့သည်။ စုံစမ်းစစ်ဆေးသူများသည် ဤလုပ်ရပ်များနှင့် ဆက်စပ်သည့် အမျိုးမျိုးသော မှောင်ခိုဝက်ဘ်အကောင့်များ၏ နောက်ကွယ်မှ တစ်ဦးချင်းစီကို စုံစမ်းဖော်ထုတ်ရန် ဆက်လက် လုပ်ဆောင်လျက်ရှိကြသည်။

စစ်ဆင်ရေး DisrupTor သည် ဩစထရီးယား၊ ဂျာမနီ၊ နယ်သာလန်၊ ဆွီဒင်၊ ဩစထျေးလျ၊ ကနေဒါ၊ အင်္ဂလန် နှင့် အမေရိကန်ပြည်ထောင်စု တို့မှ ဥပဒေစိုးမိုးရေး နှင့် တရားစီရင်ရေးဆိုင်ရာ အာဏာပိုင်များအကြား ကြီးမားသော ပူးပေါင်းလုပ်ဆောင်မှု တစ်ခု ဖြစ်ခဲ့သည် ဟု Europol မှ ပြောကြားခဲ့သည်။

“ဥပဒေစိုးမိုးရေးသည် အတူတကွလက်တွဲလုပ်ဆောင်ချိန်တွင် ထိရောက်မှုအရှိဆုံး ဖြစ်ပြီး ယနေ့ထုတ်ပြန်ချက်မှ မှောင်ခိုဝက်ဘ် ပေါ်ရှိ တရားမဝင် ကုန်ပစ္စည်းများကို ရောင်းချ၊ဝယ်ယူနေကြသည့် ရာဇဝတ်သမားများအား လျှို့ဝှက်ထားသော အင်တာနက် မှာ ဆက်လက် လျှို့ဝှက်ခြင်းမရှိတော့ခြင်း နှင့် သင်၏ အမည်ထုတ်ဖော်ခြင်းမရှိသော လုပ််ဆောင်ချက်မှာလည်း အမည်မသိ မဖြစ်တော့ခြင်း ဟူသည့် ထိရောက်သော မက်ဆေ့ချ်တစ်ခုကို ပေးသည်။ ဥပဒေစိုးမိုးရေးသည် ရာဇဝတ်သမားများအား ထိုသူတို့ လမ်းများပေါ်တွင်ဖြစ်စေ သို့မဟုတ် ကွန်ပျူတာမှန်သားပြင်တစ်ခု နောက်မှဖြစ်စေ မည်သည့်နေရာမှ လုပ်ဆောင်စေကာမူ ခြေရာခံလိုက်ရန် ကတိပြုသည်” ဟု Europol ၏ ဥရောပ ဆိုက်ဘာရာဇဝတ်စင်တာ (EC3) အကြီးအကဲဖြစ်သူ Edvardas Šileris မှ ပြောဆိုခဲ့သည်။

Europol မှ “မှောင်ခိုဝက်ဘ် ဈေးကွက်၏ ရွှေရောင်ကာလမှာ ကုန်ဆုံးသွားလေပြီ” ဟု ယုံကြည်စိတ်ချစွာ ဝါကြွားရင်း ပေါက်ကြားမှုသည် မှောင်ခိုဝက်ဘ် ရောင်းချသူများအကြား ထိတ်လန့်မှုဂယက်များကို အသေအချာပင် ပို့လိမ့်မည်။

ယခင်က ရဲများသည် တရားမဝင် ဈေးကွက်များ လအနည်းငယ် သို့မဟုတ် ရက်သတ္တပတ်အနည်းငယ် အတွင်းမှာပင် ပြန်လည် ပွားများ ရပ်တည်လာမှုအပေါ် မြင်ရန်အတွက်သာ ၎င်းတို့အား ထုံးစံအတိုင်း ဖြုတ်သိမ်းပေလိမ့်မည်။ သိပ်မကြာမီကပင် ဤအလေးပေး ကြိုးစားအားထုတ်မှုများသည် ဒေသခံ နှင့် အပြည်ပြည်ဆိုင်ရာ ဥပဒေစိုးမိုးရေးအား တရားမဝင်ကုန်သွယ်မှု နောက်ကွယ်မှ တစ်ဦးချင်းဆီအား အမှန်အကန် ထုတ်ဖော်ရန် နှင့် ၎င်းတို့အား ဖမ်းဆီးရန် တတ်စွမ်းနိုင်လာသည်။

Europol မှ မှောင်ခိုဝက်ဘ်ပေါ်ရှိ ကမ်းလှမ်းမှုများအားဖြင့် သွေးဆောင်ခံရသော တစ်ဦးချင်းစီအား သတိပေးစာ တစ်စောင်ကိုလည်း ထုတ်ပြန်ပေးထားသည် -

“ဥပဒေစိုးမိုးရေးသည် တရားမဝင် ကုန်သွယ်မှုများအပေါ် ရောင်းချသူ နှင့် ဝယ်ယူသူ နှစ်ဦးစလုံးအား ခြေရာခံလိုက်နိုင်သည်။ နိုင်ငံ အတော်များများတွင် လျှို့ဝှက်ဆိုဒ်များမှ တရားမဝင် ကုန်ပစ္စည်းများအား ဝယ်ယူသည့် တစ်ဦးတစ်ယောက်သည် တရားစီရင်ခံရဖွယ် အန္တရာယ်ရှိသည်။ မှောင်ခိုဝက်ဘ်သည် နတ်သမီးပုံပြင် တစ်ခု မဟုတ်ပေ - ရောင်းချသူများ နှင့် ဝယ်ယူသူများမှာ အရိပ်နောက်တွင် ဆက်လက်ပုန်းလျှိုးနေခြင်း မရှိနိုင်တော့ပေ” ဟု အေဂျင်စီမှ သတိပေးထားသည်။